Ամերիկուհուն ամնեզիայի դեմ պայքարում օգնել է Facebook-ը

Վիրջինիա նահանգի 38-ամյա բնակչուհի Շոնդա Ռաշը Тhe Washington Post թերթին տված հարցազրույցում պատմել է ամնեզիայի դեմ պայքարի իր անձնական մեթոդի մասին` փոխանցում է korrespondent.net-ը:

2005-ի ապրիլին նա արթնացել է ու հայտնաբերել, որ վերջին 30 տարում իր հետ տեղի ունեցածից ոչինչ չի հիշում: Նա չի ճանաչել ամուսնուն ու դստերը, չի կարողացել գրել, կարդալ, օգտվել բջջային հեռախոսից: 

Facebook-ում կնոջ վարած բլոգը օգնել է նորից ճանաչել իրեն: Խոսել սովորելու համար կինը պարբերաբար հեռուստասերիալներ է դիտել, նաև` թոք-շուներ:

Կնոջ հիվանդությունը հանելուկ է բժիշկների համար: Մինչև ամնեզիայով հիվանդանալը` նա տառապել է ցրված սկլերոզով, մի շարք նյարդաբանական նախանշաններ է ունեցել:

Հիշեցնենք՝ ավելի վաղ գերմանացի գիտնականները պարզել էին, որ Facebook սոցցանցը մարդկանց ստիպում է իրենց դժբախտ զգալ և ատել կյանքը:

Հարցեր, պատասխաններ, մեկնաբանություններ